ஜீவா - பிரியா பவானி சங்கர் நடிப்பில் உருவாகியுள்ள ‘பிளாக்’ படத்தின் வெளியீட்டு தேதி அறிவிப்பு!
Sunday October-06 2024

கடந்த பல வருடங்களாக தரமான படங்களை தயாரித்து வரும் பொடென்ஷியல் ஸ்டுடியோஸ் நிறுவனம் தயாரிப்பில் ஜீவா மற்றும் பிரியா பவானி சங்கர் நடித்துள்ள படம் ‘பிளாக்’. இரண்டு கதாபாத்திரங்கள் மட்டுமே இடம் பெறும் இப்படத்தின் டிரைலர் சமீபத்தில் வெளியாகி பார்வையாளர்களை பிரமிக்க வைத்ததோடு, படத்தின் மீது வர்த்தக ரீதியாக மிகப்பெரிய எதிர்பார்ப்பை ஏற்படுத்தியுள்ளது. 

இரண்டு முதன்மை கதாபாத்திரங்களுக்கும் முக்கியத்துவம் கொடுக்கும் விதமாக தமிழ் சினிமாவில் படங்கள் அவ்வளவாக வெளிவராத நிலையில் அறிமுக இயக்குநர் பாலசுப்ரமணியின் தனித்துவமான கதைக்கரு பார்வையாளர்களையும் விநியோகஸ்தர்களையும் உற்சாகம் கொள்ள வைத்திருக்கிறது.  

பிரபல விநியோகஸ்தரான சுப்பையா சண்முகத்தின் எஸ்.எஸ்.ஐ, இந்தப்படத்தின் தமிழ் நாடு திரையரங்கு வெளியீட்டு உரிமையை மிகப்பெரிய தொகையை கொடுத்து பொடென்ஷியல் ஸ்டுடியோஸ் நிறுவனத்திடம் இருந்து கைப்பற்றியுள்ளது.

பாலசுப்ரமணியின் மனதிற்குள் உருவான இந்த தனித்துவமான கதைக்கு ஒளிப்பதிவாளர் கோகுல் பினாயின் அற்புதமான ஒளிப்பதிவு, பிலோமின் ராஜின் நேர்த்தியான படத்தொகுப்பு மற்றும் சாம் சி.எஸ்ஸின் வசீகரிக்கும் பின்னணி இசை ஆகியவை ஒன்றிணைந்து உயிரூட்டி இருக்கின்றன. 

‘மாயா’, ‘மாநகரம்’, ‘மான்ஸ்டர்’, ‘டாணாக்காரன்’, ‘இறுகப்பற்று’ என எபோதுமே வலுவான கதையை மட்டுமே நம்பி படங்களை தயாரித்து வரும் பொடென்ஷியல் ஸ்டுடியோஸ் நிறுவனத்தின் ‘பிளாக்’ படம் வெளியாவதற்கு முன்பாக ரசிகர்கள் மற்றும் திரையுலக பிரமுகர்களிடம் இருந்து நல்ல விமர்சனங்களை பெற்று வருவதால், பெரிய படங்கள் வெளியாகும் நாளில் படம் வெளியானாலும், மிகப்பெரிய வெற்றிப்படமாக அமையும் என படக்குழுவினர் நம்பிக்கை தெரிவித்துள்ளனர்.