’கங்குவா’ திரைப்படத்தின் டிக்கெட் முன்பதிவு தொடங்கியது!
Saturday November-09 2024

இயக்குநர் சிறுத்தை சிவா இயக்கத்தில், சூர்யா நடிப்பில், ஸ்டுடியோ கிரீன் கே.இ.ஞானவேல்ராஜாவின் பிரமாண்ட தயாரிப்பில் உருவாகியிருக்கும் ‘கங்குவா’ திரைப்படம் இந்தியா முழுவதும் பெரும் எதிர்பார்ப்பை ஏற்படுத்தியுள்ளது. 

வரும் நவம்பர் 14 ஆம் தேதி உலகம் முழுவதும் பல மொழிகளில் 11,500 திரையரங்குகளில் வெளியாக உள்ள ‘கங்குவா’ படத்தின் விளம்பர பணிகளில் படக்குழு தீவிரமாக ஈடுபட்டு வரும் நிலையில், படத்தின் டிக்கெட் முன்பதிவு நேற்று தொடங்கியுள்ளது.

சென்னை பாடியில் உள்ள கிரீன் சினிமாஸ் திரையரங்கில் நேற்று (நவம்பர் 08) ’கங்குவா’ படத்தின் டிக்கெட் முன்பதிவு தொடங்கியுள்ளது. முதல் நாளான நேற்று முன்பதிவு தொடங்கிய சில மணி நேரங்களில் அனைத்து டிக்கெட்களும் விற்பனையாகிவிட, இரண்டாவது நாளான இன்றும் முன்பதிவில் டிக்கெட்கள் வேகமாக விற்பனையாகி வருகிறது.

கிரீன் சினிமாஸ் திரையரங்கத்தை தொடர்ந்து மற்ற திரையரங்குகளிலும் ‘கங்குவா’-வின் டிக்கெட் முன்பதிவு விரைவில் தொடங்க இருக்கிறது.