பிரித்திவிராஜின் ‘நோபடி’ படப்பிடிப்பு பூஜையுடன் தொடங்கியது!
Friday April-11 2025

‘எம்புரான்’ படத்தின் வெற்றியை தொடர்ந்து நடிகர் பிரித்திவிராஜ் சுகுமாரன் நடிப்பில் உருவாகும் புதிய படத்திற்கு ‘நோபடி’ (NOBODY) என்று தலைப்பு வைக்கப்பட்டுள்ளது.  பார்வதி திருவோத்து, ஹக்கிம் ஷாஜஹான் ஆகியோர் முக்கிய வேடங்களில் நடிக்கும் இப்படத்தின் கதை, திரைக்கதையை அப்துல் எழுத, நிசாம் பஷீர் இயக்குகிறார்.

பிரித்திவிராஜ் புரொடக்‌ஷன்ஸ் மற்றும் இ4 எக்ஸ்பிரிமென்ட்ஸ் ஆகிய நிறுவனங்கள் சார்பில், சுப்ரியா மேனன், முகேஷ் மேத்தா மற்றும் சி.வி.சாரதி ஆகியோர் இணைந்து தயாரிக்கும் இப்படத்தின் படப்பிடிப்பு எணாகுளத்தில் உள்ள வெலிங்டன் தீவில் பூஜையுடன் தொடங்கியது.

‘அனிமல்’ பட புகழ் இசையமைப்பாளர் ஹர்ஷவர்தன் ராமேஷ்வர் இசையமைக்கும் இப்படத்திற்கு தினேஷ் புருஷோத்தமன் ஒளிப்பதிவு செய்கிறார். 

இப்படத்தின் மற்ற விவரங்களை தயாரிப்பு தரப்பு விரைவில் அறிவிக்க உள்ளது.