கார் பந்தய வீரராகவும், நடிகராகவும் அஜித்குமார் பல வெற்றிகளை பெற வேண்டும் - பவன் கல்யாண் வாழ்த்து
Tuesday April-29 2025

நடிகர் அஜித்குமார் மத்திய அரசின் உயரிய விருதான பத்ம பூஷன் விருது பெற்றதை தொடர்ந்து அவருக்கு பலர் வாழ்த்து தெரிவித்து வருகிறார்கள். அதன்படி பிரபல தெலுங்கு திரையுலக நடிகரும், ஆந்திர மாநிலத்தின் துணை முதல்வருமான பவன் கல்யாண், அஜித் குமாருக்கு வாழ்த்து தெரிவித்துள்ளார்.

அவர் வெளியிட்டுள்ள வாழ்த்து செய்தியில், “பதம பூஷன் விருதைப் பெற்ற புகழ்பெற்ற நடிகர் அஜித் குமாருக்கு மனமார்ந்த வாழ்த்துகள். குடும்பம், காதல் கதை போன்ற பல்வேறு வகையான படங்களில் நடித்து, அனைத்து வயதினரையும் மகிழ்வித்து உள்ளார்.

திரையுலகில் தனக்கென ஒரு தனித்துவமான முத்திரையை அவர் பதித்துள்ளார். ஃபார்முலா 2 கார் பந்தய வீரராகவும் சிறந்து விளங்குகிறார். ஒரு நடிகராகவும், கார் பந்தய வீரராகவும் அஜித் குமார் இன்னும் பல வெற்றிகளை பெற வாழ்த்துகிறேன்.” என்று தெரிவித்துள்ளார்.