கிருஷ்ண ஜன்மபூமியில் வெளியான ’கிருஷ்ணாவதாரம்’ டிரைலர்
Monday April-27 2026

கிருஷ்ண ஜன்மபூமியில் ’கிருஷ்ணாவதாரம்’ திரைப்பட டிரைலர் வெளியீடு ஆன்மிகச் சூழலில் நடைபெற்றது. ஆயிரக்கணக்கான பக்தர்கள் கலந்து கொண்டு, ராமன் ரேதி கோவில், ராதா ராணி கோவில், பிரேம் மந்திர் மற்றும் இஸ்கான் விரிந்தாவன் உள்ளிட்ட புனித தலங்களிலும் ஒருங்கிணைந்த பக்தி நிகழ்வாக இது நடைபெற்றது.

மூன்று பாகங்களாக உருவாகும் இந்தத் தொடரின் முதல் அத்தியாயமாக உருவாகும் ’கிருஷ்ணாவதாரம்’திரைப்படம், வரும் மே 7ஆம் தேதி உலகம் முழுவதும் திரையரங்குகளில் வெளியாக உள்ளது. இந்த படத்தை ஹார்திக் கஜ்ஜர் இயக்கியுள்ளார். கிரியேட்டிவ்லாண்ட் ஸ்டூடியோஸ் என்டர்டெயின்மென்ட் சார்பில் சஜன் ராஜ் குருப் மற்றும் ஷோபா சாந்த் தயாரித்துள்ளனர். அதாஷ்ரீகதா மோஷன் பிக்சர்ஸ் சார்பில் பூனம் ஷ்ரோஃப் மற்றும் பார்த் கஜ்ஜர் இணை தயாரிப்பாளர்களாக உள்ளனர்.

பிரகாஷ் கபாடியா மற்றும் ராம் மோரி எழுத்தில் உருவான இப்படத்திற்கு அயனங்கா போஸ் ஒளிப்பதிவு செய்துள்ளார். பிரசாத் எஸ் இசையமைத்துள்ளார். சோகாஸ் பார்த்வாஜ் தயாரிப்பு வடிவமைப்பும், நிதி யஷா உடை வடிவமைப்பும் செய்துள்ளனர். இர்‌ஷாத் கமில் பாடல் வரிகள் எழுதியுள்ளார். இப்படத்தை உலகளவில் ஏஏ ஃபிலிம்ஸ் விநியோகிக்கிறது, இசையை சாரேகாமா நிறுவனம் வெளியிடுகிறது.