பிக் பாஸ் ஆரவ் கேட்கும் சம்பளம் - அலறி ஓடும் தயாரிப்பாளர்கள்!
Wednesday November-01 2017

பிக் பாஸ் நிகழ்ச்சியில் வெற்றி பெற்ற ஆரவுக்கு சில சினிமா பட வாய்ப்புகள் வந்தாலும், தற்போது அவர் சரவணன் இயக்கும் ஒரு படத்தில் மட்டுமே ஒப்பந்தமாகியிருக்கிறார்.

இதற்கிடையே, ஆரவ் தன்னிடம் கதை சொல்ல வருபவர்களிடம், கதையை கூட கேட்காமல் சம்பளத்தை தான் முதலில் கேட்கிறாராம். அதுவும் சாதாரண சம்பளம் இல்லையாம், கோடிக்கு கிட்டே நெருக்கமாக உள்ள தொகையை தான் தனது சம்பளமாக கேட்கிறாராம். இதனால் ஆரவை அனுகும் தயாரிப்பாளர்கள், அலறியடித்துக் கொண்டு திரும்ப ஓடி வந்து விடுகிறார்கள்.

இந்த நிலையில், பிக் பாஸ் போட்டியாளர்கள் ஹரிஷ் கல்யாண் - ரைசா இருவரும் ஹீரோ, ஹீரோயினாக நடிக்க உள்ள படத்தின் இயக்குநர் இளன், முதலில் ஆரவை தான் இந்த படத்தில் கமிட் பண்ண முடிவு செய்திருந்தாராம். ஆனால், ஆரவ் சம்பளத்தை அதிகமாக கேட்டதால் அவரை நிராகரித்துவிட்டு ஹரிஷ் கல்யாணை ஒப்பந்தம் செய்தார்.