Latest News :

ஓவியாவை விளாசிய இளையராஜா!
Thursday August-03 2017

தமிழகம் முழுவதும் எங்கு பார்த்தாலும் பேசப்பட்டு வரும் பிக் பாஸ் நிகழ்ச்சியில் பங்கேற்றுள்ள ஓவியாவுக்கு மக்களிடையே பெரும் ஆதரவு கிடைத்திருக்கிறது. அந்த நிகழ்ச்சியின் குயினாக திகழும் ஓவியாவுக்கு ஆதரவாக மீம்ஸ்கள், டிவிட்டர் கருத்துகள் என்று ஒரே ஓவியா புராணத்தை பாட, இசையமைப்பாளர் இளையராஜா ஓவியாவை விலாசிய தகவல் ஒன்று கசிந்துள்ளது.

 

ஓவியா சீனி என்ற படத்தில் ஹீரோயினாக நடித்திருக்கிறார். இப்படம் முழுவதும் முடிவடைந்து வெளியாகமல் இருக்க, பிக் பாஸ் நிகழ்ச்சியின் மூலம் ஓவியாவுக்கு கிடைத்திருக்கும் ரசிகர்கள் பட்டாளத்தை பயன்படுத்திக் கொள்ள நினைத்த ‘சீனி’ திரைப்படக் குழு, படத்தின் தலைப்பை ‘ஓவியா’ என்று மாற்றி விட்டது. மேலும், இப்படத்தின் ஒரு காட்சியில் இளையராஜாவின் ஒரு பாடலின் சில வரிகள் பயன்படுத்தப்பட்டிருக்கிறதாம். இதை அறிந்த சிலர் ”தயாரிப்பாளரிடம், இளையராஜாவிடம் பாடல் வரி பயன்படுத்தப்பட்டிருப்பது குறித்து சொல்லிவிடுங்கள், பிறகு ரிலீஸின் போது பிரச்சினையாகிவிட போகிறது. நீங்களே சொல்லிவிட்டால், அவர் ஓகே சொல்வதோடு, வாழ்த்தியும் அனுப்புவார், அதை செய்தியாக்கினால் படத்திற்கும் விளம்பரமாக இருக்கும்” என்று தயாரிப்பாளரிடம் கூறியுள்ளார்கள்.

 

இதை கேட்டு கனவு கண்ட ‘ஓவியா’ படத்தின் தயாரிப்பாளர் இளையராஜாவை சந்திக்க அதிகாலையில் சென்றுள்ளார். இளையராஜா எப்போதும் இருக்கும் அந்த இடத்தில் சென்ற தயாரிப்பாளருக்கு ராஜா சாரை பார்க்க அனுமதி அளிக்கப்பட்டது. பக்தியுடன் இளையராஜா முன்பு நின்ற தயாரிப்பாளர், ஏன் தான் இங்கு வந்தோமோ, என்று நினைக்கும் அளவுக்கு அவரை இளையராஜா விளாசி தள்ளிவிட்டாராம்.

 

தனது பாடல் வரியை எப்படி பயன்படுத்தலாம்? என்று வித்தியாசமான தோணியில், வித்தியாசமான வார்த்தையில் கேட்ட இளையராஜா, அந்த தயாரிப்பாளர் வெளியே சொல்ல முடியாத அளவுக்கு சில பச்சை வசனங்களை பேசியதோடு, “5 நிமிடத்திற்குள் இங்கிருந்து சென்றுவிடுங்கள், இல்லையெனில் நான் மனுஷனாகவே இருக்க மாட்டேன்” என்று கூறிவிட்டாராம்.

 

இளையராஜாவின் வாழ்த்து கிடைக்கும் என்று ஆசை ஆசையாக சென்ற அந்த தயாரிப்பாளர், அவரது விளாசலால் ஆடிப்போய் இருக்கிறாராம்.

Related News

129

’கே.டி. - தி டெவில்’ அனைவருக்கும் பிடித்த மாஸ் ஆக்‌ஷன் படமாக இருக்கும் - துருவ் சர்ஜா நம்பிக்கை
Saturday July-12 2025

கன்னட திரையுலகின் முன்னணி திரைப்பட நிறுவனமான  KVN Productions வெங்கட் கே...

நடிகைகளை உருட்டும் இயக்குநர் நான் அல்ல! - ’உருட்டு உருட்டு’ பட விழாவில் விக்ரமன் பேச்சு
Saturday July-12 2025

ஜெய் ஸ்டுடியோ கிரியேஷன்ஸ்  என்ற பட நிறுவனம் சார்பில், சாய் காவியா சாய் கைலாஷ் வழங்க, பத்மராஜு  ஜெய்சங்கர் தயாரிப்பில்,   பாஸ்கர் சதாசிவம் இயக்கத்தில்,  சமூக அக்கறை மிக்க களத்தில், கலக்கலான காமெடி எண்டர்டெயினராக உருவாகியுள்ள திரைப்படம் ’உருட்டு உருட்டு’...

”’பீனிக்ஸ்’ நாயகன் சூர்யாவுக்கு மிகப்பெரிய எதிர்காலம் உள்ளது” - இயக்குநர் அனல் அரசு புகழாரம்
Saturday July-12 2025

இயக்குனர் அனல் அரசு இயக்கத்தில் சூர்யா விஜய் சேதுபதி நடிப்பில் கடந்த ஜூலை நான்காம் தேதி திரையரங்குகளில் வெளியான பீனிக்ஸ் படம் மக்களிடையே நல்ல வரவேற்பை பெற்றது...

Recent Gallery