தேர்தலில் போட்டியிடும் அஜித் - பரபரப்பாகும் கோடம்பாக்கம்!
Friday December-01 2017

தேர்தல், அரசியல் போன்ற விஷயத்தில் அஜித் தலையிட  மாட்டார் என்றாலும், இதுபோன்ற செய்திகளில் அவ்வபோது அஜித் பெயர் இடம்பெறுவது வழக்கமாகிவிட்டது. இருந்தாலும், தற்போது வந்த தகவலின் படி அரசியல் விஷயங்களில் தன்னை ஈடுபடுத்திக் கொள்ள அஜித் முடிவு செய்திருக்கிறாராம்.

ஆனால், இது தமிழக அரசியலோ அல்லது தேசிய அரசியலோ அல்ல, கோடம்பாக்க அரசியல். ஆம், அஜித்தின் அடுத்த படமான ‘விஸ்வாசம்’ படத்தின் கதைக்களம் அரசியல் தானாம். ‘வீரம்’ போல குடும்ப செண்டிமெண்ட் கதையை அரசியல் பின்னணியில் இயக்குநர் சிவா உருவாக்கியுள்ளாராம்.

முதலில், அரசியல் பின்னணி என்றதும் சிறிது தயக்கம் காட்டிய அஜித், பிறகு ஓகே சொன்னதோடு, அரசியல் சம்மந்தமான காட்சிகள் சிலவற்றுக்கு ஐடியாவும் கொடுத்திருக்கிறாராம். அதுமட்டும் அல்ல, படத்தில் அஜித் தேர்தலில் போட்டியிடுவது போன்ற காட்சிகளும் இடம்பெறுவதாக கூறப்படுகிறது.