அதிக தொகைக்கு விலைபோன ‘வேலைக்காரன்’!
Tuesday December-12 2017

24 ஏ.எம்.ஸ்டுடியோஸ் சார்பில் ஆர்.டி.ராஜா தயாரிப்பில், மோகன் ராஜா இயக்கத்தில் சிவகார்த்திகேயன் - நயந்தாரா நடித்துள்ள ‘வேலைக்காரன்’ இம்மாதம் 22 ஆம் தேதி வெளியாக உள்ளது.

பெரும் எதிர்ப்பார்ப்பை ஏற்படுத்தியுள்ள இப்படத்தின் கேரள வெளியீட்டு உரிமை பெரும் தொகைக்கு விலைபோயுள்ளதாக தகவல் வெளியாகியுள்ளது. தேசிய விருதுகளை பெற்ற 2 மலையாள படங்களை தயாரித்த ஈ4 நிறுவனம் அதிக விலைக்கு வாங்கி உள்ளது.

சிவகார்த்திகேயன் படங்களுக்கு கேரளாவில் நல்ல மார்க்கெட் இருக்கிறது. என்றாலும், பகத்பாசில், நயன்தாரா இதில் நடித்திருப்பதால் இந்த நிறுவனம் ‘வேலைக்காரன்’ பட வினியோக உரிமையை விரும்பி வாங்கி உள்ளதாக கூறப்படுகிறது.