சினிமாவுக்கு முழுக்கு போடும் காஜல் அகர்வால் - காரணம் இது தான்!
Monday December-25 2017

தமிழ் மற்றும் தெலுங்கு சினிமாவில் முன்னணி நடிகையாக உள்ள காஜல் அகர்வால், அஜித், விஜய் போன்ற முன்னணி  ஹீரோக்களுக்கு ஜோடியாக நடித்து வருகிறார். ’விவேகம்’, ‘மெர்சல்’ என்று இந்த ஆண்டு இரண்டு முன்னணி ஹீரோக்கள் படத்திலும் நடித்துவிட்டார்.

முன்னணி ஹீரோக்களுடன் ஜோடியாக நடித்தாலும், தனக்கு பெயர் வாங்கி கொடுக்கும் விதத்திலான கதாபாத்திரங்கள் அமையவில்லை, என்ற வருத்தம் காஜல் அகர்வாலுக்கு இருக்கிறதாம். அதனால், ஹீரோயினுக்கு முக்கியத்துவம் உள்ள கதைகளை எதிர்ப்பார்த்தவர் பெருத்த ஏமாற்றம் அடைந்துவிட்டாராம். தற்போது அவர் நடித்து வரும் ‘குயின்’ படத்தை தான் பெரிதும் நம்பியிருக்கிறாராம்.

‘குயின்’ வெற்றி பெற்றால், தொடர்ந்து ஹீரோயினுக்கு முக்கியத்துவம் உள்ள படங்களில் நடிக்கும் முடிவில் இருப்பவர், அப்படம் எதிர்ப்பார்த்த வெற்றியை பெறவில்லை என்றால், நடிப்புக்கு முழுக்கு போட்டும் முடிவுக்கு வந்துவிட்டதாக கூறப்படுகிறது.

நடிப்பதை நிறுத்துபவர், தொழிலில் கவனம் செலுத்த போகிறாராம். அப்படி அவர் தொழில் தொடங்கி விட்டால், அதை விட்டுவிட்டு மீண்டும் நடிக்க வர மாட்டாராம்.