புதுமுகங்கள் நடிக்கும் ‘பார்க்கத் தோனுதே’
Saturday December-30 2017

வாசவி பிலிம்ஸ் என்ற பட நிறுவனம் சார்பாக வி.கே.மாதவன் தயாரிக்கும் படத்திற்கு ’பார்க்கத் தோனுதே’ என்று பெயரிட்டுள்ளனர்.

இந்த படத்தில் ஹர்ஷா கதானாயகனாக நடிக்கிறார். கதாநாயகியாக சாரா நடிக்கிறார் மற்றும் பாண்டு, அப்பு இவர்களுடன் மற்றும் பலரும் நடிக்கிறார்கள்.

ஒஞ்சியப்பன் பாடல்கள் எழுதும் இப்படத்திற்கு மனீஷ் இசையமைக்க, ஜி.ரமேஷ் ஒளிப்பதிவு செய்கிறார். லெனின் சந்திரசேகரன் எடிட்டிங் செய்ய வி.கே.மாதவன் தயாஇக்கிறார்.

இப்படத்தை எழுதி இயக்கும் ஜெய் படம் குறித்து கூறுகையில், “வெட்டியாக ஊர் சுற்றிக் கொண்டிருக்கும் ஹர்ஷாவும் அவனது நண்பர்களும் காமெடி செய்து கொண்டு ஜாலியாக அந்த கிராமத்தில் வலம் வந்து கொண்டிருக்கிறவர்கள்.

அப்படிப் பட்ட ஹர்ஷா அதே கிராமத்தில்  இருக்கும் பெண் சாரா மீது காதல் கொள்கிறான். இருவரும் காதலர்களாக வலம் வருகிறார்கள்.

கிராமத்தில் நடந்த ஒரு சம்பவத்தால் சாராவுக்கு பேய் பிடித்துக் கொள்கிறது. அவள் மீதிருந்த பேய் விலகியதா? காதலர்கள் ஒன்றினைந்தார்களா? என்பது தான் கதை.

காதல் காமெடி ஆக்‌ஷன் திகில் கலந்த படமாக பார்க்கத் தோனுதே உருவாகி உள்ளது. படப்பிடிப்பு கிருஷ்ணகிரி கொடைக்கானல் ஒகனேக்கல் போன்ற இடங்களில் நடை பெற்றுள்ளது. படம் விரைவில் வெளியாகிறது.” என்றார்.