நடிகர் விக்ரமின் தந்தை மரணம்
Sunday December-31 2017

நடிகர் விக்ரமின் தந்தையும் நடிகருமான வினோத் ராஜ் இன்று மரணம் அடைந்தார். அவருக்கு வயது 80.

முன்னாள் இந்திய ராணுவ வீரரான வினோத் ராஜ், விஜயின் ‘கில்லி’ படத்தில் திரிஷாவுக்கு அப்பா வேடத்தில் நடித்தார். மேலும், விக்ரம் நடித்த ‘கந்தசாமி’ படத்தில் வின்னின் உதவியாளர் வேடத்தில் நடித்தார். இப்படி பல திரைப்படங்களிலும், தொலைக்காட்சி தொடர்களிலும் நடித்திருக்கிறார்.

இந்நிலையில், இன்று (டிச.31) மாலை 4 மணியளவில் வினோத் ராஜ் உயிரிழந்தார். இவரது மறைவு திரையுலகினர் பலரும் ஆழ்ந்த இரங்கலை தெரிவித்து வருகின்றனர்.

இவரது இறுதிச் சடங்கு நாளை மாலை நடக்க இருக்கிறது. இறுதி அஞ்சலிக்காக இவரது உடல் கோடம்பாக்கத்தில் உள்ள மகாலிங்கபுரம் இல்லத்தில் வைக்கப்பட்டுள்ளது.