சாலை விபத்தில் சிக்கிய நடிகர் நானி!
Saturday January-27 2018

‘நான் ஈ’, ‘ஆஹா கல்யாணம்’, ‘வெப்பம்’ உள்ளிட்ட சில தமிழ்ப் படங்களில் நடித்திருக்கும் நானி, தெலுங்கு சினிமாவில் வளர்ந்து வரும் முன்னணி ஹீரோக்களில் ஒருவராக உள்ளார். அவர் நடிக்கும் தெலுங்குப் படங்கள் தொடர்ந்து வெற்றிப் பெற்று வருகிறது.

இந்த நிலையில், நடிகர் நானி நேற்று சாலை விபத்தில் சிக்கியுள்ளார். அவரது கார் கட்டுப்பாட்டை இழந்து மோதியதில் நானியின் முகம் மற்றும் மூக்கில் அடிபட்டுள்ளதாக தகவல் வெளியாகியுள்ளது. இந்த செய்தி அவரது ரசிகர்களை சோகத்தில் ஆழ்த்தியுள்ளது.

இது குறித்து டிவிட்டரில் பதிவிட்டுள்ள நானி, அங்கொன்றும் இங்கொன்றும் சிறு காயங்கள் மட்டுமே ஏற்பட்டுள்ளது. ஒரு வாரத்தில் மீண்டும் நடிக்க தொடங்கிவிடுவேன், என்று தெரிவித்துள்ளார்.