24 மணி நேரத்தில் நடக்கும் சம்பவங்களை மையமாக வைத்து உருவாகும் ‘சத்ரு’
Saturday January-27 2018

ஆர்.டி.இன்பினிட்டி டீல் எண்டர்டெயின்மெண்ட் நிறுவனம் சார்பில் ரகுகுமார் என்கிற ராஜரத்தினம், ஸ்ரீதரன் ஆகியோர் இணைந்து தயாரிக்கும் படம் ‘சத்ரு’. கதிர் ஹீரோவாக நடிக்கும் இப்படத்தில் சிருஷ்டி டாங்கே ஹீரோயினாக நடிக்கிறார். இவர்களுடன் பொன்வண்ணன், நீலிமா, மாரிமுத்து, ரிஷி, சுஜா வாருணி,பவன், அர்ஜுன் ராம், ரகுநாத், கீயன், சாது, குருமூர்த்தி, பாலா மற்றும் பலர் நடிக்கிறார்கள். ‘ராட்டினம்’ படத்தில் நடித்த லகுபரன் இந்த படத்தின் வில்லனாக நடிக்கிறார்.  

மகேஷ் முத்துசாமி ஒளிப்பதிவு செய்யும் இப்படத்திற்கு அம்ரிஷ் இசையமைக்க, கபிலன், மதன்கார்க்கி, சொற்கோ ஆகியோர் பாடல்கள் எழுதுகிறார்கள். பிரசன்னா ஜி.கே எடிட்டிங்கை கவனிக்க, ராஜமோகன் கலையை நிர்மாணிக்கிறார். சண்டைக்காட்சிகளை விக்கி வடிவமைக்கிறார்.

இப்படத்தின் கதை, திரைக்கதை, வசனம் எழுதி இயக்கும் நவீன் நஞ்சுண்டானிடம், படம் குறித்து கேட்டதற்கு, “இது ஒரு ஆக்‌ஷன் திரில்லர் படம். 24 மணீ நேரத்தில் நடக்கும் சம்பவங்கள் தான் இந்த படம்.” என்றார்.

இப்படத்தின் மோஷன் போஸ்டரை இயக்குநர் கெளதம் மேனன் சமீபத்தில் வெளியிட்டார். படம் விரைவில் வெளியாக உள்ளது.