மீண்டும் நடிக்க வருகிறார் நஸ்ரியா நஸீம்!
Wednesday March-28 2018

ஒரு சில படங்களில் நடித்தே ஏராளமான ரசிகர்களின் கனவு தேவதையானவர் நடிகை நஸ்ரியா நஸீம். தொடர் பட வாய்ப்புகள், முன்னணி ஹீரோக்களுடன் ஜோடி என்று சினிமாவில் வேகமாக வளர்ந்துக்கொண்டிருக்கும் போதே, மலையாள நடிகர் பஹத் பாசிலை திருமணம் செய்துக் கொண்டு குடும்ப வாழ்க்கையில் செட்டினால நஸ்ரியா, திருமணத்திற்குப் பிறகு நடிப்புக்கு முழுக்கு போட்டுவிட்டார்.

இந்த நிலையில், மீண்டும் நடிக்க தொடங்கியிருக்கும் நஸ்ரியா தற்போது ப்ரித்விராஜ் ஹீரோவாக நடிக்கும் மலையாளப் படத்தில் நடித்து வருகிறார். மலையாள சினிமாவில் ரீ எண்ட்ரி ஆகியிருக்கும் அவரை அப்படியே தமிழுக்கும் அழைத்து வர பலர் முயற்சித்து வருகிறார்களாம். இருந்தாலும், மலையாள சினிமாவுக்கே முன்னுரிமை கொடுத்திருக்கும் நஸ்ரியா தமிழில் நடிப்பாரா இல்லையா என்பது கேள்விக்குறிதான்.

அதே சமயம், தனது கணவர் பஹத் பாசில் நடிக்கும் புதிய படம் ஒன்றை தயாரிக்கவும் செய்கிறாராம் இதில் ஹீரோயினாக ஐஸ்வர்யா லட்சுமி நடிக்கிறார்.