இயக்குநர் மகாராஜனின் மகன் விஸ்வநாத் மகாராஜன் நடிகராகிறார்!
Wednesday April-04 2018

பிரபல இயக்குநர் மகாராஜனின் மகன் விஸ்வநாத் மகாராஜன் தனது தந்தை இயக்கும் படத்தின் மூலம் நடிகராக அறிமுகமாக உள்ளார்.

விஜயகாந்த் நடித்த ‘வல்லரசு’, அர்ஜூன் நடித்த ‘அரசாட்சி’, அஜீத் நடித்த ‘ஆஞ்சனேயா’ மற்றும் இந்தியில் சன்னி டியோல், ராஜ் பாப்பர் நடித்த ‘இந்தியன்’ போன்ற மாபெரும் வெற்றி படங்களை இயக்கியுள்ள மகாராஜன், ‘ஜோர்’, ‘சாம்பியன்’, ‘சாம்பியன்’ போன்ற சூப்பர் ஹிட் இந்தி படங்களுக்கு கதையும் எழுதியிருக்கிறார்.

இந்திய அளவில் வரவேற்பு பெற்ற கலைஞராக கருதப்படும் மகாராஜன், தற்போது சன்னி டியோல் நடிக்க உள்ள ‘இந்தியன் 2’ படத்தை இயக்க உள்ளார்.

இதற்கிடையே, தனது மகன் விஸ்வநாத் மகாராஜனை நடிகராக அறிமுகப்படுத்த உள்ள மகாராஜன், தனது மகன் நடிக்கும் படத்தை கமர்சியல் படமாக உருவாக்க உள்ளார்.

விஷுவல் கம்யூனிகேசன் படித்ததுடன். சினிமாவுக்கு தேவையான டான்ஸ், பைட் என முழுமையாக கற்றுத் தேர்ந்துள்ள மகனை வைத்து விரைவில் படப்பிடிப்பை ஆரம்பிக்க உள்ளார் மகாராஜன். இப்படத்தில் முன்னணி நடிகை ஒருவர் நாயகியாக நடிக்க இருப்பதோடு, பிரபல நடிகர் நடிகைகள் முக்கிய கதாபாத்திரங்களில் நடிக்க உள்ளனர்.