சிம்பு படத்தில் நடித்த சிவகார்த்திகேயன்!
Friday April-06 2018

தமிழ் சினிமாவின் முன்னணி நடிகர்களில் ஒருவராக உருவெடுத்துள்ள சிவகார்த்திகேயன், தற்போது நடித்து வரும் படங்கள் அனைத்தும் மிகப்பெரிய பொருட்ச் செலவில் உருவாகும் பிரம்மாண்ட படங்களாக உள்ளது. செலவுக்கு ஏற்றவாறு சிறந்த ஓபனிங் இருப்பதால், சிவகார்த்திகேயனை நம்பி தயாரிப்பாளர்கள் முதலீடு செய்யவும் தயாராக இருக்கிறார்கள்.

ஹீரோவாவதற்கு முன்பு டிவி சேனல் ஒன்றில் சிவகார்த்திகேயன் தொகுப்பாளராக இருந்தது அனைவரும் அறிந்தது தான். ஆனால், அறியாத ஒன்று அவர் திரைப்பட உதவி இயக்குநராகவும் பணியாற்றியுள்ளார். ஆம், தற்போது நயந்தாராவை வைத்து ‘கோலமாவு கோகிலா’ படத்தை இயக்கி வரும் நெல்சன் சிம்புவை வைத்து இயக்கிய ‘வேட்டை மன்னன்’ படத்தில் சிவகார்த்திகேயன் உதவி இயக்குநராக பணியாற்றியுள்ளாராம்.

மேலும், அப்படத்தில் சிம்பு, ஜெய் ஆகியோர் நடித்த அப்படத்தில் சிவகார்த்திகேயனும் சிறு வேடம் ஒன்றில் நடித்திருக்கிறாராம். சினிமாவில் நடிகராக சிவகார்த்திகேயன் அறிமுகமானது அப்படத்தில் தானாம். ஆனால், அப்படம் டிராப்பாகிவிட்டது என்பது குறிப்பிடத்தக்கது.