மெர்சலா இருக்கா.. - ‘விவேகம்’ டிரைலரை வைத்து விஜயை கலாய்த்த நடிகை!
Thursday August-17 2017

அஜித்தின் ‘விவேகம்’ டிரைலர் இன்று வெளியாகி ரசிகர்களிடம் வரவேற்பு பெற்றதோடு, திரையுலகினரையும் ஆச்சரியப்பட வைத்துள்ளது. அந்த அளவு மிக பிரம்மாண்டமாக டிரைலர் உருவாகியிருக்கிறது.திரையுலகினர் பலர் விவேகம் டிரைலர் வேற லெவல் என்று பாராட்டி வருகிறார்கள்.

இந்த நிலையில், காமெடி நடிகை குண்டு ஆர்த்தி, விவேகம் டிரைலர் குறித்து தனது ட்விட்டர் பக்கத்தில், ”57 முறை பார்த்தேன்...விஷுவல்ஸ் வேற வெவல்..படக்குழுவுக்கு வாழ்த்துக்கள். ஆஸ்கர் விருது பெற தயாராகுங்கள்...பெருமைப்படும் ரசிகை” என்று பதிவிட்டுள்ளார்.

அவரது இந்த பதிவை கிண்டலிடிக்கும் வகையில், “இந்த ட்ரெய்லருக்கே கண்டிப்பா ஆஸ்கர் தருவாங்க மேடம்... கவலைப்படாதீங்க..” ஒருவர் கமெண்ட் பண்ணியிருந்தார்.

அவருக்கு பதில் அளித்த ஆர்த்தி, ”தம்பி ஓரமா போய் விளையாடு பா...நாங்க யார்னு முடிவு பண்றது எங்க முன்னாடி இருக்குறவங்க தான்..இன்னும் நீங்க வளரணும்” என்றார். அதற்கு அவர், “பொய் சொல்லாதீங்க..ரொம்ப போர்” என்று பதில் கமெண்ட் போட, அதற்கு ஆர்த்தியோ, “என்ன பயமா இருக்கா?? மெர்சலா இருக்கா??? கஷ்டம் தான்” என்று விஜயை கலாய்க்கும் விதத்தில் பதில் அளித்துள்ளார்.

ஆர்த்தியின் இந்த ட்வீட்டால் தற்போது விஜய் ரசிகர்கள் செம கடுப்பாகியுள்ளார்கள்.