விஜயிடம் இருந்து தனுஷ் கற்றுக்கொண்டது என்னவென்று தெரியுமா?
Monday August-21 2017

விஜயின் ‘மெர்சல்’ பாடல்கள் வெளியீட்டு விழா நேற்று மாலை நேறு உள்விளையாட்டு அரங்கில் நடைபெற்றது. இதில் ஏராளமான திரை பிரபலங்கள் கலந்துக் கொண்டார்கள். அவர்களில் ஒருவரான நடிகர் தனுஷ், தான் விஜயிடம் இருந்து கற்றுக்கொண்டது குறித்து தெரிவித்தார்.

மேடையில் பேசிய தனுஷ், விஜய்யின் நண்பராகவும், ஏ.ஆர்.ரஹ்மானின் ரசிகனாகவும் இந்த விழாவில் கலந்து கொண்டுள்ளேன்.

விஜய்யிடம் எனக்கு மிகவும் பிடித்த விஷயம். நம் தோளில் கைப் போட்டு பேசுவார். அதே போல் அவரது தோளில் கை போடவிட்டும் பேசுவார். இது போன்றதொரு குணம், நல்ல மனசு இருக்கும் நண்பனால் தான் முடியும்.

ஒரு இரும்பு சுத்தியலால் அடிவாங்கி கத்தியாக மாறி ஷார்ப்பாக இருக்கிறார். விஜய் இங்கு மிகவும் அமைதியாக உட்கார்ந்திருக்கிறார். அந்த அமைதி எனக்கு மிகவும் பிடிக்கும். உலகிலேயே அமைதி தான் மிகச்சிறந்த ஆயுதம் என்று சொல்வார்கள். அதை விஜய்யிடமிருந்து கற்றுக் கொண்டேன். இந்த விழாவில் விஜய் ரசிகர்களை நேரில் சந்தித்ததில் மகிழ்ச்சியடைகிறேன், என்று தெரிவித்தார்.