’விஸ்வரூபம் 2’ டிரைலர் வெளியீட்டு தேதி அறிவிப்பு!
Friday June-08 2018

கமல்ஹாசன் இயக்கி தயாரித்து நடித்த ‘விஸ்வரூபம்’ கடந்த 2013 ஆம் ஆண்டு வெளியாகி பெரும் வெற்றி பெற்றது. வெளியாவதற்கு முன்பாக மிகப்பெரிய சர்ச்சையில் இப்படம் சிக்கினாலும், கமல்ஹாசன் தயாரித்த படங்களிலேயே மிகப்பெரிய வெற்றிப் பெற்ற படம் என்ற பெயர் எடுத்தது.

இப்படத்தின் இரண்டாம் பாகத்தின் பெரும்பாலான காட்சிகளை முதல் பாகத்தின் படப்பிடிப்பின் போதே படமாக்கிய கமல்ஹாசன், எஞ்சி இருந்த பணிகளை விரைவாக முடித்தாலும் படத்தை ரிலீஸ் செய்ய சரியான தருணத்தை எதிர்ப்பார்த்துக் கொண்டிருந்தார். இதற்கிடையே, கடந்த சில மாதங்களுக்கு முன்பு ‘விஸ்வரூபம் 2’ படத்தின் பஸ்ட் லுக் போஸ்டரை வெளியிட்ட கமல்ஹாசன், படத்தை விரைவில் வெளியிடப் போவதாக அறிவித்திருந்தார்.

இந்த நிலையில், ‘விஸ்வரூபம் 2’ படத்தின் டிரைலரை வரும் ஜூன் 11 ஆம் தேதி வெளியிடப் போவதாக கமல்ஹாசன், இன்று அறிவித்திருக்கிறார். டிரைலரை கமலின் மகளும் நடிகையுமான ஸ்ருதி ஹாசன் வெளியிடப் போகிறாராம்.