’பிக் பாஸ் 2’ வில் பங்கேற்கும் 2 முன்னணி நடிகைகள்!
Sunday June-10 2018

கமல்ஹாசன் தொகுத்து வழங்க இருக்கும் ‘பிக் பாஸ் 2’ தொலைக்காட்சி நிகழ்ச்சி வரும் ஜூன் 17 ஆம் தேதி தொடங்க இருக்கிறது. தொலைக்காட்சி பார்க்கும் பழக்கம் இல்லாதவர்களையும் டிவி முன்பு உட்கார வைத்த இந்த நிகழ்ச்சி ரசிகர்களிடம் பெரும் எதிர்ப்பார்ப்பை ஏற்படுத்தியிருக்கிறது.

தற்போது இந்த நிகழ்ச்சியின் புரோமோஷன் வீடியோக்கள் சமூக வலைதளங்களில் வைரலாகியுள்ள நிலையில், இதில் போட்டியாளர்களாக யார் யார் பங்கேற்பார்கள்? என்பதும் மிகப்பெரிய எதிர்ப்பார்ப்பை ஏற்படுத்தியுள்ளது. அதே சமயம், பிக் பாஸ் 2 வில் பங்கேற்கும் போட்டியாளர்களின் பட்டியல் என்று சில நாட்களுக்கு முன்பு சமூக வலைதளங்களில் பட்டியல் ஒன்று வைரலானது. ஆனால், அது போலியானது என்று தெரிய வந்தது.

இந்த நிலையில், பிக் பாஸ் இரண்டாம் பாகத்தில் பங்கேற்க இருப்பவர்களில் 7 பேர்களது விபரம் வெளியாகியுள்ளது. அதில் இரண்டு பேர் தமிழ் சினிமாவில் முன்னணி ஹீரோயினாக வலம் வந்த ரம்பா மற்றும் சினேகா என்றும் கூறப்படுகிறது.