நயந்தாராவை பின்னுக்கு தள்ளும் சாயீஷா! - குவியும் பட வாய்ப்புகள்
Thursday June-14 2018

‘வனமகன்’ படத்தின் மூலம் தமிழ் சினிமாவில் ஹீரோயினாக அறிமுகமான சாயீஷா சய்கல் தான், தற்போதைய தமிழ் சினிமா ஹீரோக்களின் பேவரைட்டாக உள்ளார்.

இவர் நடிப்பில் ஒரு படம் மட்டுமே வெளியாகியிருந்தாலும், தற்போது இவர் கையில் சுமார் 5 க்கும் மேற்பட்ட படங்கள் இருப்பதோடு, இவர் நடிப்பில் விரைவில் பல படங்கள் வெளியாக உள்ளது. முன்னணி ஹீரோக்கள் பலரும் தங்களது படங்களில் சாயீஷாவை ஹீரோயினாக்கவே விரும்புவதாகவும் கூறப்படுகிறது. 

இதற்கு காரணம் இவர் அழகாக இருப்பதோடு, அழகாக நடனமும் ஆடுவது தான். இவரது நடனத்தைப் பார்த்து பிரபு தேவாவே மிரண்டு போய் இவரை பாராட்டியுள்ளார். அதுமட்டும் இன்றி, கவர்ச்சியிலும் அம்மணி தாராளம் காட்டுவதால் ஹீரோக்கள் பலர் தங்களது தயாரிப்பாளர்களிடம் இவரை தான் கைகாட்டுகிறார்களாம்.

குறுகிய காலத்திலேயே தமிழ் சினிமாவின் முன்னணி ஹீரோயின் இடத்தைப் பிடித்திருக்கும் சாயீஷாவின் வளர்ச்சி சில ஹீரோயின்களை கடுப்பாக்கியிருப்பது போல, லேடி சூப்பர் ஸ்டார் என்று சொல்லப்படும் நயந்தாரவையே சற்று ஆட்டம் காண வைத்திருப்பதாகவும் கூறப்படுகிறது.

வயது ஏறிக்கொண்டே போனாலும், நயனின் மவுசு மட்டும் குறையாமல் இருந்த நிலையில், சாயிஷாவின் வளர்ச்சியால் நயந்தாராவுக்கான மவுசு குறைய தொடங்கியுள்ளதாகவும் கூறப்படுகிறது.