சேனல் தொடங்குகிறார் பிக் பாஸ் சினேகன்!
Saturday June-16 2018

மக்கள் ஆவலோடு எதிர்ப்பார்த்துக் கொண்டிருக்கும் பிக் பாஸ் சீசன் 2 நாளை இரவு 9 மணிக்கு ஒளிபரப்பாக இருக்கிறது. இதற்கிடையே பிக் பாஸ் நிகழ்ச்சியின் முதல் பாகத்தில் போட்டியாளர்களாக கலந்துக் கொண்ட பலர், பிக் பாஸ் இரண்டாம் பாகத்தின் போட்டியாளர்களுக்கு சில டிப்ஸ்களை கொடுத்து வருகிறார்கள்.

அதே சமயம், பிக் பாஸ் இரண்டாம் பாகத்தின் போட்டியாளர்கள் யார் யார், என்பது இன்னும் அதிகாரப்பூர்வமாக வெளியாகவில்லை என்றாலும், பவர் ஸ்டார், மும்தாஜ் உள்ளிட்ட சிலர் கலந்துக்கொள்ளப் போவது உறுதியாகியுள்ளது.

இந்த நிலையில், பிக் பாஸின் முன்னாள் போட்டியாளர் சினேகன், விரைவில் ஒரு யூடியூப் சேனல் தொடங்க இருக்கிறாராம். ‘பொம்மி வீரன்’ என்ற படத்தில் நடித்து முடித்திருக்கும் அவர் அப்படத்தின் ரீரெக்கார்டிங்கில் பிஸியாக இருக்கிறார். மேலும், மூன்று படங்களில் ஹீரோவாக நடிக்கும் வாய்ப்பும் வந்திருக்கிறதாம்.

விரைவில், தான் ஹீரோவாக நடிக்கும் படங்களின் விபரங்களை அறிவிக்க இருக்கும் சினேகன், தனது யூடியூப் சேனல் குறித்தும் அறிவிக்க முடிவு செய்திருக்கிறாராம்.