ரூ.200 கோடியில் உருவாகும் படம் - ராஜா வேடத்தில் நடிக்கும் விஜய் சேதுபதி
Tuesday July-17 2018

விஜய் சேதுபதி நடித்து தயாரித்திருக்கும் ‘ஜுங்கா’ தான் அவர் நடித்த படங்களிலேயே மிகப்பெரிய பட்ஜெட் கொண்ட படமாகும். இப்படம் வரும் ஜூலை 27 ஆம் தேதி வெளியாக உள்ள நிலையில், ரூ.200 கோடி பட்ஜெட்டில் உருவாகும் படம் ஒன்றில் விஜய் சேதுபதி ராஜா வேடத்தில் நடிப்பதாக தகவல் வெளியாகியுள்ளது.

சிரஞ்சவீ ஹீரோவாக நடிக்கும் படம் ‘சேரா நரசிம்மா ரெட்டி’. இதில் நயந்தாரா ஹீரோயினாக நடிக்கிறார். தெலுங்கு மாநிலத்தை சேர்ந்த சுதந்திர போராட்ட வீரரின் வாழ்க்கைப் படமாக உருவாகும் இப்படத்தில் விஜய் சேதுபதி தமிழ் பேசும் அரசன் வேடத்தில் நடித்து வருகிறாராம்.

‘பாகுபலி’ படத்திற்குப் பிறகு தெலுங்கு சினிமாவில் அதிக பட்ஜெட்டில் உருவாகி வரும் படம் இது என்பது குறிப்பிடத்தக்கது.