சிவகார்த்திகேயனுக்கு பிரம்மாண்ட விழா எடுக்கும் தயாரிப்பாளர்!
Sunday July-22 2018

மிகப்பெரிய பொருட்ச் செலவில் பிரம்மாண்டமான முறையில் திரைப்படங்களை தயாரித்து வரும் 24 ஏ.எம்.ஸ்டுடியோஸ் நிறுவனம், திரைப்படங்களை மார்கெட்டிங் செய்வதிலும் பல யுக்திகளையும், புதிய முயற்சிகளையும் செய்து வருகிறது.

அதன்படி, அந்நிறுவனத்தின் தயாரிப்பில் உருவாகியுள்ள சிவகார்த்திகேயனின் ‘சீமராஜா’ திரைப்படத்தின் இசை வெளியீட்டு விழாவை பிரம்மாண்ட விழாவாக மதுரையில் நடத்த இருக்கிறது. வரும் ஆகஸ்ட் மாதம் 3 ஆம் தேதி மதுரையில் நடைபெற இருக்கும் இந்த விழாவில் ரசிகர்கல், பொது மக்கள் என அனைவருக்கும் அனுமதி இலவசம்.

கிராமத்து பின்னணியில் உருவாகியிருக்கும் காமெடி கலந்த காதல் கதையான ‘சீமராஜா’ படம் மூலம் சிவகார்த்திகேயன் - இயக்குநர் பொன்ராம் கூட்டணி மூன்றாவது முறையாக இணைந்திருப்பதால், அப்படத்தின் மீது மிகப்பெரிய எதிர்ப்பார்ப்பு ஏற்பட்டிருக்கிறது. அதற்கு ஏற்றவாறு, அப்படத்தின் நிகழ்வுகள் அனைத்தையும் மிகப்பெரிய நிகழ்ச்சிகளாக நடத்த தயாரிப்பாளர் ஆர்.டி.ராஜா முடிவு செய்திருக்கிறார். அதற்கான முதல் விழா தான் இந்த பிரம்மாண்ட மதுரை இசை வெளியீட்டு விழாவாகும்.