எம்.ஜி.ஆர் உடன் டூயட் பாடப் போகும் சாயீஷா!
Monday July-23 2018

‘வனமகன்’ படத்தின் மூலம் தமிழ் சினிமாவில் ஹீரோயினாக அறிமுகமான சாயீஷா, தொடர்ந்து பல படங்களில் நடித்து வருகிறார். அவரது நடிப்பில் சமீபத்தில் வெளியான ‘கடைக்குட்டி சிங்கம்’ பெரிய வெற்றி பெற்றிருக்கிறது. மேலும், ‘ஜுங்கா’, ‘கஜினிகாந்த்’ என அவர் நடித்த படங்கள் விரைவில் வெளியாக உள்ளது.

இந்த நிலையில், மறைந்த நடிகரும் தமிழகத்தின் முன்னாள் முதல்வருமான எம்.ஜி.ஆர் உடன் சாயீஷா டூயட் பாடப் போகிறார். ஆம், அவர் எம்ஜிஆர் படத்தில் ஹீரோயினாக நடிக்க ஒப்பந்தமாகியிருக்கிறார்.

எம்.ஜி.ஆரின் கனவுப் படமான ‘கிழக்கு ஆப்பிரிக்காவில் ராஜு’ தற்போது அனிமேஷன் படமாக உருவாக்கப்பட்டு வருகிறது. வேல்ஸ் பிலிம்ஸ் இண்டர்நேஷ்னல் சார்பில் ஐசரி கணேசன் தயாரிக்கும் இப்படத்தின் கதை, திரைக்கதை எழுதி இயக்கும் அருள்மூர்த்தி அனிமேஷன் பணிகளையும் மேற்கொள்கிறார்.

இப்படத்தில் எம்.ஜி.ஆர்க்கு ஜோடியாக ஜெயலலிதா நடிக்க, மற்றொரு ஹீரோயினாக சாயீஷாவை நடிக்க வைக்க படக்குழு முடிவு செய்துள்ளது. அதனால், சாயீஷா உருவம் கொண்ட நடிகையை அனிமேஷன் மூலம் இப்படத்தில் நடிக்க வைக்க உள்ளனர். இதற்காக சாயீஷாவுடன் பேசி ஒப்பந்தமும் செய்துவிட்டார்களாம்.