தனுஷ் பிறந்தநாளை முன்னிட்டு மீண்டும் வெளியாகும் ‘புதுப்பேட்டை’
Tuesday July-24 2018

நடிகர் தனுஷின் படங்களில் ரசிகர்களுக்கு மட்டும் அல்ல தனுஷுக்கு ரொம்ப ஸ்பெஷலான படம் என்றால் அது ‘புதுப்பேட்டை’ தான். செல்வராகவன் இயக்கத்தில் யுவன் சங்கர் ராஜா இசையில் வெளியான இப்படம் ஒட்டு மொத்த திரையுலகையே திருப்பி போட்ட படம் என்றும் சொல்லலாம்.

தனுஷின் வித்தியாசமான கதாபாத்திரம் மட்டும் இன்றி, சினேகாவின் வித்தியாசமான நடிப்பும் கதாபாத்திரமும் இப்படத்தில் பெரிதும் பேசப்பட்டது.

இந்த நிலையில், வரும் ஜூலை 28 ஆம் தேதி தனுஷின் பிறந்தநாளை முன்னிட்டு, வரும் ஜூலை 26 ஆம் தேதி சென்னையில் சில திரையரங்குகளில் ‘புதுப்பேட்டை’ படம் மீண்டும் ரிலீஸ் செய்யப்படுகிறது. தற்போது இப்படத்திற்கான டிக்கெட் முன் பதிவு தொடங்கியுள்ள நிலையில், ரசிகர்களிடம் நல்ல வரவேற்பும் கிடைத்து வருகிறதாம்.