57 கிலோ எடையுள்ள அஜித் உருவ இட்லி - ரசிகர்களின் ஏற்பாடு!
Wednesday August-23 2017

அஜித்தின் 57 வது படமான ‘விவேகம்’ நாளை (ஆக.24) உலகம் முழுவதும் வெளியாகும் நிலையில், அவரது ரசிகர்கள் வெவ்வேறு வகையில் படத்தின் வெளியீட்டை கொண்டாடி வருகிறார்கள்.

அந்த வரிசையில், வட சென்னையை சேர்ந்த ரசிகர் மன்றம் சார்பில், 57 கிலோ எடை கொண்ட அஜித் உருவத்திலான இட்லி தயார் செய்து பொது மக்கள் பார்வைக்கு வைக்கப்பட உள்ளது.

வட சென்னை பகுதியில் உள்ள வீர சென்னை தல அஜித் நண்பர்கள் கிளப், தமிழ்நாடு சமையல் கலை தொழிலாளர் முன்னேற்ற சங்கத்துடன் இணைந்து, இந்த இட்லியை உருவாக்க உள்ளனர்.

இந்த இட்லி, சென்னை, தங்கசாலை அருகிள் உள்ள பாரத் திரையரங்க முகப்பில் பிரம்மாண்ட அரங்கு அமைத்து அதில் வைக்கப்பட உள்ளது. இன்று (ஆக.23) மாலை 5 மணிக்கு அஜித் உருவ இட்லியை அவரது ரசிகர்கள், பாரத் திரையரங்கத்தில் வைத்து கொண்டாட உள்ளனர்.