கருணாநிதியை பார்க்க மருத்துவமனைக்கு வந்த அஜித்!
Wednesday August-01 2018

சென்னை காவேரி மருத்துவமனையில் சிகிச்சை பெற்று வரும் திமுக தலைவர் மு.கருணாநிதி உடல் நிலை குறித்து விசாரிக்க பல்வேறு சினிமா பிரபலங்கள் மருத்துவமனைக்கு வருகிறார்கள். ரஜினி, கமல், சூர்யா, விக்ரம் ஆகியோரை தொடர்ந்து, இன்று காலை நடிகர் விஜய் மருத்துவமனைக்கு வருகை தந்தார்.

மருத்துவமனையில் இருந்த மு.க.ஸ்டாலின், உதயநிதி ஸ்டாலின் ஆகியோரை சந்தித்து நடிகர் விஜய் கருணாநிதி உடல் நிலை குறித்து கேட்டறிந்தார்.

இந்த நிலையில், இன்று மாலை நடிகர் அஜித்குமார் காவேரி மருத்துவமனைக்கு வந்து கருணாநிதி உடல் நிலை குறித்து நேரில் விசாரித்தார்.

தற்போது ‘விஸ்வாசம்’ படப்பிடிப்பில் பிஸியாக இருக்கும் அஜித், காவேரி மருத்துவமனைக்கு நேரில் வந்து ஸ்டாலின் மற்றும் உதயநிதி ஸ்டாலினை சந்தித்து கருணாநிதி உடல் நிலை குறித்து விசாரித்தார்.