எந்த வேடமாக இருந்தாலும் நடிக்க ரெடி! - லதா ராவ்
Tuesday August-07 2018

சின்னத்திரை மூலம் தமிழகத்தின் அனைத்து இல்லங்களிலும் நுழைந்து பிரபலமான நடிகை லதா ராவ், தற்போது திரைப்படங்களில் நடிப்பதில் கவனம் செலுத்தி வருகிறார். அதனால் தான் சீரியலில் நடிப்பதை குறைத்துக் கொண்டிருப்பவர் பல திரைப்படங்களில் பல நல்ல கதாபாத்திரங்களில் நடித்து வருகிறார்.

‘தில்லாலங்கடி’ படத்தில் வடிவேலுக்கு ஜோடியாக காமெடி வேடத்தில் நடித்து சினிமாவில் அறிமுகமான லதா ராவ், சசிகுமாரின் ‘ஈசன்’, சமுத்திரக்கனின் ‘நிமிர்ந்து நில்’, கே.எஸ்.ரவிகுமார் இயக்கத்தில் வெளியான ‘முடிஞ்சா இவன புடி’ என்று படத்திற்கு படம் வித்தியாசமான குணச்சித்திர வேடங்களில் நடித்திருக்கிறார்.

சமீபத்தில் வெளியான ‘கடிகார மனிதர்கள்’ திரைப்படத்தில் கதையின் நாயகன் கிஷோருக்கு மனைவியாக, கதையின் நாயகியாக நடித்திருக்கும் லதா ராவின் கதாபாத்திரமும், அவரது நடிப்பும் பெரும் பாராட்டுப் பெற்றிருக்கிறது.

தற்போது பரத் நடிக்கும் ‘8’, விவேக் மற்றும் தேவயானி நடிக்கும் ‘எழுமின்’ போன்ற படங்களில் நடித்து வரும் லதா ராவ், சினிமாவில் எந்தவிதமான குணச்சித்திர வேடமாக இருந்தாலும் நடிக்க ரெடி, என்று கூறுகிறார்.

வில்லி, காமெடி என்று எந்த கதாபாத்திரமாக இருந்தாலும் அதில் நடிக்க ரெடி, என்று கூறியிருப்பவர் சினிமா முழுக்க முழுக்க சினிமாவில் மட்டுமே கவனம் செலுத்தப் போகிறாராம்.