வசூல் சாதனையில் ’கோலமாவு கோகிலா’ - நிரூபித்து காட்டிய நயந்தாரா
Saturday August-25 2018

தமிழ் சினிமாவின் நம்பர் ஒன் ஹீரோயினாக வலம் வரும் நயந்தார், லேடி சூப்பர் ஸ்டார் என்ற பெருமையையும் பெற்றிருக்கிறார். முன்னணி ஹீரோக்களுக்கு நிகராக ரசிகர்கள் பட்டாளம் கொண்ட இவரது படங்களும் தற்போது ஹீரோக்கள் படங்களுக்கு நிகராக வெற்றி பெற்று வருகிறது.

அந்த வகையில் சமீபத்தில் வெளியான ‘கோலமாவு கோகிலா’ திரைப்படம் வெற்றிகரமாக ஓடிக்கொண்டிருப்பது வசூலிலும் சக்கைபோடு போடுகிறதாம்.

தமிழகத்தில் மட்டும் இதுவரை ரூ.15 கோடி வசூலித்திருக்கும் இப்படம் கர்நாடகாவில் ரூ.1 கோடி வசூலித்திருக்கிறதாம். வெளிமாநிலத்தில் ஒரு ஹிரோயின் படம் இப்படி ஒரு வரவேற்பை பெறுவது மிகப்பெரிய விஷயம் என்று கூறப்படுகிறது.

தற்போது வரை உலகம் முழுவதும் சுமார் ரூ.20 கோடி வசூல் செய்திருக்கும் ‘கோலமாவு கோகிலா’ படம் மூலம் நயந்தாரா, தான் லேடி சூப்பர் ஸ்டார் என்பதை நிரூபித்திருக்கிறார்.