'சீமராஜா' சிறப்புக் காட்சிகள் ரத்து - ரசிகர்கள் ஏமாற்றம்
Thursday September-13 2018

சிவகார்த்திகேயன், சமந்தா, சூரி நடிப்பில் உருவாகியுள்ள சீமராஜா இன்று உலகம் முழுவதும் வெளியாகிறது. இயக்குநர் பொன்ராம் - சிவகார்த்திகேயன் கூட்டணியின் மூன்றாவது படம் என்பதால் மிகப்பெரிய எதிர்ப்பார்ப்பை இப்படம் ஏற்படுத்தியது.

இதை தொடர்ந்து சென்னையில் சுமார் 10 க்கும் மேற்பட்ட திரையரங்குகளில் இன்று அதிகாலை 5 மணிக்கு சீமராஜா படத்தின் சிறப்புக் காட்சிக்கு ஏற்பாடு செய்யப்பட்டிருந்தது. இதையடுத்து, ரசிகர்கள் ஆர்வமாக சிறப்புக் காட்சிக்கான டிக்கெட்களை முன் பதிவு செய்தனர்.

இந்த நிலையில், இன்று அதிகாலை 5 மணிக்கு திரையிட இருந்த சீமராஜா சிறப்புக் காட்சி சென்னையின் அனைத்து திரையரங்குகளிலும் ரத்து செய்யப்பட்டது. இதனால், திரையரங்கிற்கு வந்த சிவகார்த்திகேயன் ரசிகர்கள் பெரும் ஏமாற்றம் அடைந்தனர்.