சர்வதேச திரைப்பட விழாவில் திரையிடப்படும் ஜி.வி.பிரகாஷ் படம்!
Monday October-08 2018

ஒரு டஜன் படங்களை கையில் வைத்திருக்கும் ஜி.வி.பிரகாஷ்குமார், தற்போதைய தமிழ் சினிமாவில் ஒரு ஆண்டில் அதிகமான படங்களில் நடிக்கும் ஹீரோவாக உருவெடுத்துள்ளார்.

இந்த நிலையில், ஜி.வி.பிரகாஷ்குமார் நடித்திருக்கும் ‘சர்வம் தாள மயம்’ படம் சர்வதேச திரைப்பட விழாவில் திரையிடுவதற்கு தேர்வு செய்யப்பட்டுள்ளது.

‘மின்சார கனவு’, ‘கண்டுக்கொண்டேன் கண்டுக்கொண்டேன்’ ஆகிய வெற்றிப் படங்களை இயக்கிய ராஜீவ் மேனன் இயக்கியுள்ள ‘சர்வம் தாள மயம்’ படத்திற்கு ஏ.ஆர்.ரஹ்மான் இசையமைத்திருக்கிறார்.

ஒரு மிருதங்க வித்வானிடமிருந்து கலையை கற்றுக்கொள்ள விரும்பும் ஒரு இளைஞன் பிற்படுத்தப்பட்ட குடும்பத்தை சார்ந்தவன் என்பதால் அவரிடமிருந்தும், கர்நாடக இசை சமூகத்தில் இருந்தும் நிராகரிக்கப்படுகிறான்.

இன்றைய காலக்கட்டத்தில் சாதி மத பிரச்சினைகளை தாண்டி அவனது இசை ஆசை வென்றதா, என்பதே படத்தின் கதை.

ஜீ.வி.பிரகாஷ் கதாநாயகனாக நடிக்கும் இப்படத்தில் நெடுமுடி வேணு, அபர்ணா பாலமுரளி, வீனித், டி டி உள்ளட்ட பலர் நடித்துள்ளனர்.

காஷ்மீர், ஷில்லாங், ஜெய்பூர், கேரளா உள்ளிட்ட பல இடங்களில் உருவாகிய இப்படம், தற்போது 31 வது டோக்கியோ சர்வதேச திரைப்பட விழாவில் பிரத்யேகமாக திரையிடப்பட தேர்வாகியுள்ளது.