விஷால் வழியில் டிவி தொகுப்பாளராகும் பிரபல நடிகர்!
Monday December-10 2018

தமிழ் சினிமாவில் இருக்கும் பிரபல நடிகர்கள் பலருக்கு அரசியல் ஆசை வந்தது எப்படி சாதாரண விஷயமாகிவிட்டதோ அதுபோல தொலைக்காட்சிகளில் நிகழ்ச்சிகளை தொகுத்து வழங்குவதும் இன்னும் சில நாட்களில் சாதாரண விஷயமாகிவிடும்.

தொலைக்காட்சிகளில் நடிகர், நடிகைகள் தொகுப்பாளர்களாகவும், நிகழ்ச்சியின் நடுவர்களாகவும் இருப்பது புதிதல்ல என்றாலும், முன்னணி நடிகர்கள் தொலைக்காட்சியில் தொகுப்பாளர்களாக பணியாற்றுவது என்பது புதிதான். நடிகர் கமல்ஹாசன் ‘பிக் பாஸ்’ நிகழ்ச்சி மூலம் தொகுப்பாளர் அவதாரம் எடுத்த நிலையில், நடிகர் விஷாலும் சன் தொலைக்காட்சியில் தொகுப்பாளராக பணியாற்றி வருகிறார். அவரை தொடர்ந்து சில முன்னணி நடிகைகளும் சில தொலைக்காட்சிகளில் நிகழ்ச்சிகளை தொகுத்து வருகிறார்கள்.

இந்த நிலையில், கை நிறைய படங்களோடு பிஸியான முன்னணி நடிகராக வலம் வரும் விஜய் சேதுபதியும் பிரபல தொலைக்காட்சி ஒன்றில் நிகழ்ச்சி தொகுப்பாளர் அவதாரம் எடுக்க உள்ளார்.

அவர் தொகுத்து வழங்கும் நிகழ்ச்சி சன் தொலைக்காட்சியில் ஒளிபரப்பாக இருப்பதாக தகவல் வெளியானாலும், அது எந்த மாதிரி நிகழ்ச்சி என்ற தகவல் இதுவரை வெளியாகவில்லை.