பிரபல பாலிவுட் நடிகர் காதர் கான் மரணம்!
Tuesday January-01 2019

பாலிவுட் சினிமாவின் பிரபல நடிகரும், வசனகர்த்தாவுமான காதர் கான் இன்று மரணம் அடைந்தார். அவருக்கு வயது 81.

ஆப்கானிஸ்தானில் பிறந்த காதர் கான் 1973-ஆம் ஆண்டு ராஜேஷ் கண்ணா நடித்த ’தாக்’ என்ற படத்தை இயக்கினார். அமிதாப் பச்சன், ராஜேஷ் கண்ணா உள்ளிட்ட பிரபல நடிகர்களுடன் சுமார் 300-க்கும் மேற்பட்ட படங்களில் நடித்துள்ள காதர் கான், 200-க்கும் மேற்பட்ட படங்களுக்கு திரைக்கதை மற்றும் வசனம் எழுதியிருக்கிறார்.

மூச்சுத்திணறல் காரணமாக கனடாவில் உள்ள மருத்துவனையில் சிகிச்சை பெற்று வந்த இவர், இறந்துவிட்டதாக சில நாட்களுக்கு முன்பு வதந்தி பரவிது. இந்த நிலையில், காதர் கான் நேற்று சிகிச்சை பலனின்றி உயிரிழந்தார். காதர் கான் மறைவுக்கு திரையுலகப் பிரபலங்கள் மற்றும் அரசியல் கட்சித் தலைவர்கள் பலரும் இரங்கல் தெரிவித்து வருகின்றனர்.

அவரது உடல் கனடாவில் உள்ள நிலையில், அவரது இறுதிச்சடங்குகளையும் கனடாவிலேயே நடத்த முடிவு செய்திருப்பதாக தகவல்கள் வெளியாகியுள்ளன.