நடிகையாகும் ரோபோ சங்கரின் மகள்!
Sunday January-13 2019

மேடை நிகழ்ச்சியில் இருந்து தொலைக்காட்சிக்கு வந்த ரோபோ சங்கர், தற்போது வெள்ளித்திரையில் காமெடி நடிகராக ஜொலித்துக் கொண்டிருக்கிறார். அஜித், தனுஷ் என முன்னணி ஹீரோக்களின் படங்களில் பிஸியாக நடித்துக்கொண்டிருப்பவர், தமிழ் சினிமாவின் தற்போதைய முன்னணி காமெடி நடிகர்களில் ஒருவராக இருக்கிறார்.

இந்த நிலையில், ரோபோ சங்கரின் மகள் நடிகையாக கோலிவுட்டில் அறிமுகமாக இருக்கிறார். அதுவும் விஜய் படத்தில்

ஆம், அட்லி இயக்கத்தில் விஜய் நடித்துவரும் படத்தில் ரோபோ சங்கரின் மகள் நடிக்கிறார். இதற்காக நடத்தப்பட்ட ஆடிசனில் பங்கேற்று அவர் தேர்வாகியுள்ளார்.

ஏற்கனவே பல வாய்ப்புகள் ரோபோ சங்கரின் மகளுக்கு வந்தாலும், படிப்பு முக்கியம் என்பதால் அவர் அதை தவிர்த்து வந்தாராம். ஆனால், விஜய் படம் என்பதால் விட்டுவிட கூடாது என்று முடிவு செய்து நடிக்க சம்மதம் தெரிவித்திருக்கிறார்.