விவாகரத்தான மலையாள நடிகையுடன் ஜோடி சேரும் தனுஷ்!
Tuesday January-22 2019

கெளதம் மேனன் இயக்கத்தில் தனுஷ் நடிக்கும் ‘என்னை நோக்கி பாயும் தோட்டா’ வெளியாக உள்ள நிலையில், தனுஷ் வெற்றி மாறன் இயக்கத்தில் ‘அசுரன்’ என்ற படத்தில் நடிக்க தொடங்கியுள்ளார். ஏற்கனவே வெற்றி மாறன் - தனுஷ் கூட்டணியில் ‘வட சென்னை’ வெற்றி பெற்ற நிலையில், இப்படமும் பெரும் எதிர்ப்பார்ப்பை ஏற்படுத்தியுள்ளது.

வி கிரியேஷன்ஸ் சார்பில் கலைப்புலி எஸ்.தாணு தயாரிக்கும் இப்படத்திற்கு ஜி.வி.பிர்காஷ் இசையமைக்கிறார்.

இந்த நிலையில், மலையாள சினிமாவின் பிரபல நடிகையாக இருப்பவரும், விவாகரத்து பெற்றவருமான மஞ்சு வாரியர், ‘அசுரன்’ படத்தில் தனுஷுக்கு ஜோடியாக நடிக்க ஒப்பந்தமாகியிருக்கிறார்.

மலையாள சினிமாவின் முன்னணி ஹீரோயினாக வலம் வந்த மஞ்சு வாரியர், நடிகர் திலீப்பை காதலித்து திருமணம் செய்துக்கொண்ட பிறகு நடிப்புக்கு முழுக்கு போட்டார். ஆனால், இருவருக்கும் இடையே ஏற்பட்ட கருத்து வேறுபாட்டால், விவாகரத்து பெற்றுவிட்டனர். விவாகரத்துக்கு பிறகு மீண்டும் மஞ்சு வாரியர் நடிக்க தொடங்கியிருக்கிறார்.