ரஜினி வில்லனை இயக்கும் ராகவா லாரன்ஸ்!
Wednesday January-23 2019

தென்னிந்திய சினிமாவின் முன்னணி இயக்குநர்கள் மற்றும் நடிகர்களில் ஒருவராக இருக்கும் ராகவா லாரன்ஸ், தற்போது ’காஞ்சனா 3’ படத்தை இயக்கி நடித்து வருகிறார்.

இந்த நிலையில், லான்ஸ் நடித்து இயக்கி உலகம் முழுவதும் மாபெரும் வெற்றி பெற்ற ‘காஞ்சனா 1’ படம் இந்தியில் ரீமேக் ஆகிறது. இதில் லாரன்ஸ் நடித்த கதாபாத்திரத்தில், 2.0 படத்தில் ரஜினிக்கு வில்லனாக மிரட்டிய அக்‌ஷய் குமார் நடிக்கிறார். சரத்குமார் வேடத்தில் நடிக்க, பிரபல நடிகர் ஒருவரிடம் பேச்சு வார்த்தை நடைபெற்று வருகிறது.

இப்படத்தை இயக்கும் ராகவா லாரன்ஸ், இதன் மூலம் பாலிவுட்டில் அறிமுகமாகிறார். வரும் ஏப்ரல் மாதம் படப்பிடிப்பு தொடங்க உள்ள இப்படத்தின் பிற நட்சத்திரங்கள் குறித்து விரைவில் அறிவிக்க உள்ளனர்.