’36 வயதினிலே’ படம் மூலம் ரீ எண்ட்ரி கொடுத்த ஜோதிகா, தொடர்ந்து ’மகளிர் மட்டும்’, ‘நாச்சியார்’, ‘காற்றின் மொழி’ என பெண்களை மையப்படுத்திய படங்களில் நடித்து வெற்றிப் பெற்று வருகிறார்.
இந்த நிலையில், ‘கோலமாவு கோகிலா’ படம் மூலம் நயந்தாராவுடன் கூட்டணி வைத்து காமெடியில் கலக்கிய யோகி பாபுடன் கூட்டணி அமைத்திருக்கும் ஜோதிகா, காமெடி படம் ஒன்றில் வித்தியாசமான வேடத்தில் நடிக்கிறார். இவர்களுடன் ரேவதி, ஆனந்த்ராஜ், மன்சூர் அலிகான், மொட்டை ராஜேந்திரன், ஜெகன் உள்ளிட்ட பல நட்சத்திரங்கள் நடிக்கிறார்கள்.
‘குலேபகாவலி’ படத்தை இயக்கிய கல்யாண் இயக்கும் இப்படத்தை 2D எண்டர்டெயின்மெண்ட் சார்பில் நடிகர் சூர்யா தயாரிக்கிறார்.
ஆனந்தகுமார் ஒளிப்பதிவு செய்யும் இப்படத்திற்கு விஷால் சந்திரசேகர் இசையமைக்கிறார். வீரசமர் கலையை நிர்மாணிக்க, விஜய் எடிட்டிங் செய்கிறார்.
இன்னும் தலைப்பு வைக்கப்படாத இப்படத்தின் படப்பிடிப்பு பூஜையுடன் இன்று சென்னையில் நடைபெற்றது. இதில் நடிகர் சூர்யா கலந்துக் கொண்டு கிளாப் அடித்து படப்பிடிப்பைத் துவக்கி வைத்தார்.

இந்த நிகழ்வில், ஜோதிகா, ரேவதி, நடிகர்கள் ஆனந்த்ராஜ், மன்சூர் அலிகான், இயக்குநர் பிரம்மா, தமிழ் திரைப்படத் தயாரிப்பாளர் சங்கப் பொருளாளர் எஸ்.ஆர்.பிரபு, படத்தின் இணை தயாரிப்பாளர் ராஜசேகர் கற்பூர சுந்தர பாண்டியன், படத்தின் இயக்குநர் கல்யாண் மற்றும் படக்குழுவினர் உள்ளிட்ட பலர் கலந்து கொண்டனர்.
2026-ம் ஆண்டின் மிகப் பெரிய எதிர்பார்ப்பு மிக்க படங்களுல் ஒன்றாகக் கருதப்படும், ராக்கிங் ஸ்டார் யாஷ் நடிக்கும் ‘டாக்ஸிக்: எ ஃபேரி டேல் ஃபார் கிரோன்-அப்ஸ்’ (Toxic: A Fairytale for Grown-ups), திரைப்படத்தில், கியாரா அத்வானி (Kiara Advani) ஏற்றுள்ள ‘நாடியா’ (Nadia) கதாபாத்திரத்தின் முதல் பார்வை போஸ்டரை படக்குழு அதிகாரபூர்வமாக சமீபத்தில் வெளியிட்டது...
உலகம் முழுவதும் உள்ள படைப்பாளிகளுக்கு நேரடியாக தயாரிப்பாளர்கள் மற்றும் பார்வையாளர்களை அடையும் வாய்ப்பை உருவாக்கி கொடுக்கும் விதத்தில், ’தி ஸ்கிரிப்ட் கிராஃப்ட் இன்டர்நேஷனல்’ (The Script Craft International Short Film Festival) என்ற தலைப்பில் குறும்பட போட்டி ஒன்று தொடங்கியுள்ளது...
இயக்குநர் பாரதிராஜாவிடம் உதவியாளராக பணியாற்றிய குரு...