‘ஐரா’ மூலம் மாஸ் காட்டும் நயன்தாரா!
Friday March-22 2019

தமிழ் சினிமாவின் லேடி சூப்பர் ஸ்டாரான நயன்தாராவின் ‘அறம்’ வெற்றி பிறகு அவர் நடிக்கும் படங்கள் மீது பெரும் எதிர்ப்பார்ப்பு ஏற்பட்டு வருகிறது. நயன்தாரா நடிக்கும் ஹீரோயினுக்கு முக்கியத்துவம் உள்ள படங்கள் அனைத்தும் தொடர்ந்து வெற்றி பெறுவதோடு, பாக்ஸ் ஆபிஸிலும் சக்கைபோடு போடுவதால், முன்னணி ஹீரோக்களுக்கு நிகராக அவரது படங்களை விநியோகஸ்தர்கள் ரிலீஸ் செய்கிறார்கள்.

இந்த நிலையில், நயன்தாராவின் நடிப்பில், சர்ஜூன் இயக்கத்தில் வரும் மார்ச் 28 ஆம் தேதி வெளியாக உள்ள ‘ஐரா’ படத்தின் மூலம் நயன்தாரா தனது மாஸை காட்ட இருக்கிறார். ஆம், விஜய், அஜித் போன்ற முன்னணி ஹீரோக்களின் படங்கள் மட்டுமே அதிகாலை சிறப்பு காட்சிகள் திரையிடப்பட்டு வந்த நிலையில், நயன்தாராவின் ‘ஐரா’ படமும் சென்னையின் பல திரையரங்குகளில் அதிகாலை 5 மணிக்கு சிறப்பு காட்சி திரையிடப்பட உள்ளது.

கே.ஜெ.ஆர் ஸ்டுடியோஸ் சார்பில் கொடப்பாடி ஜெ.ராஜேஷ் தயாரிப்பில் பிரம்மாண்டமான படமாக உருவாகியுள்ள இப்படத்தை டிரைடெண்ட் ஆர்ட்ஸ் நிறுவனம் வெளியிடுகிறது.

நயன்தாரா முதல் முறையாக இரட்டை வேடத்தில் நடித்திருக்கும் இப்படத்தில் கலையரசன், யோகி பாபு ஆகியோரும் முக்கிய வேடத்தில் நடித்திருக்கிறார்கள்.