சிவகார்த்திகேயனுக்கு ஜோடியான சென்சேஷன் நடிகை!
Tuesday March-26 2019

சிவகார்த்திகேயன் நடிக்கும் படங்கள் அனைத்தும் பெரிய பட்ஜெட் படங்களாக உருவாவதுடன், எதிர்ப்பார்ப்பை ஏற்படுத்தும் படங்களாகவும் தயாராகிறது. அந்த வகையில், சிவகார்த்திகேயன் - நயன்தாரா இரண்டாவது முறையாக ஜோடி சேர்ந்திருக்கும் ‘மிஸ்டர் லோக்கல்’ விரைவில் வெளியாக உள்ளது.

இப்படத்தை தொடர்ந்து மித்ர, ரவிகுமார், பாண்டிராஜ் ஆகிய இயக்குநர்களிடன் படங்களில் நடிக்கும் சிவகார்த்திகேயன், விக்னேஷ் சிவன் இயக்கத்தில் ஒரு படத்தில் நடிக்கிறார். 

லைகா நிறுவனம் தயாரிக்கும் இப்படம் காதல் மற்றும் காமெடி ஜானர் படமாக இருந்தாலும், சிவகார்த்திகேயனை அடுத்த லெவலுக்கு அழைத்து செல்லும் மிக பிரம்மாண்டமான படமாக உருவாக உள்ளதாக கூறப்படுகிறது.

இந்த நிலையில், இப்படத்தில் ஹீரோயினாக தெலுங்கு மற்றும் கன்னட சினிமாவின் சென்சேஷன் நாயகியான ராஷ்மிகாவை ஒப்பந்தம் செய்திருப்பதாக தகவல் வெளியாகியுள்ளது.