விஜய் படம் குறித்த லேட்டஸ்ட் அப்டேட்! - ரசிகர்கள் கொண்டாட மீண்டும் ஒரு வாய்ப்பு
Wednesday March-27 2019

'சர்கார்’ வெற்றியை தொடர்ந்து விஜய் நடித்து வரும் புதுப்படத்தை ‘தளபதி 63’ என்று அழைக்கின்றனர். ஏஜிஎஸ் நிறுவனம் தயாரிக்கும் இப்படத்தை அட்லீ இயக்க, ஏ.ஆர்.ரஹ்மான் இசையமைக்கிறார். இப்படத்தின் படப்பிடிப்பு தற்போது சென்னை மற்றும் அதன் சுற்றுவட்டார பகுதிகளில் நடைபெற்று வருகிறது.

விஜய் - அட்லீ மூன்றாவது முறையாக இணைவதால் பெரும் எதிர்ப்பார்ப்பு ஏற்பட்டுள்ளது. இந்த கூட்டணியின் மாபெரும் வெற்றிப் படமான ‘மெர்சல்’ படம் பல்வேறு சாதனைகளை நிகழ்த்திய நிலையில், தற்போது அப்படத்தை மீண்டும் ஒரு முறை கொண்டாட ரசிகர்களுக்கு வாய்ப்பு கிடைத்துள்ளது.

ஆம், தமிழகம் மட்டும் இன்றி இந்தியாவில் பல மாநிலங்களிலும், பல வெளிநாடுகளிலும் ஓடி வெற்றிப் பெற்ற ‘மெர்சல்’ விரைவில் இந்தியில் டப் செய்யப்பட்டு வெளியாக உள்ளது.

விஜயின் பல படங்கள் இந்தியில் டப் செய்யப்பட்டு வெளியிடப்பட்டுள்ள நிலையில், ‘மெர்சல்’ படமும் இந்த ஆண்டு இந்தியில் டப் செய்யப்பட்டு வெளியிடப் போவதாக தகவல் வெளியாகியுள்ளது. அதே சமயம், இந்த ஆண்டு வெளியாகும், என்ற தகவல் மட்டுமே வெளியாகியிருக்கிறது. மற்றபடி தேதி மற்றும் மாதம் குறித்து எந்த தகவலும் வெளியாகவில்லை.

எப்படி இருந்தாலும், ‘மெர்சல்’ மீண்டும் ஒரு கொண்டாட்டத்திற்கு ரசிகர்களை தயார்ப்படுத்து விட்டது.