மகனுக்காக மீண்டும் படம் தயாரிக்கும் தம்பி ராமையா
Monday April-01 2019

‘அதாக்கப்பட்டது மகா ஜனங்களே’, ‘மணியார் குடும்பம்’, ‘திருமணம்’ ஆகிய படங்களை தொடர்ந்து உமாபதி ராமையா நடிக்கும் படம் ‘தேவதாஸ்’. இப்படத்தில் மனிஷா யாதவ், ‘சகா’ ஐரா ஆகியோர் ஹீரோயின்களாக நடிக்கும் இப்படத்தில் யோகி பாபு கலகலப்பூட்டும் முக்கிய கதாபாத்திரத்தில் படம் முழுவதும் வருகிறார்.

தம்பி ராமையா, ஷாகுல் ஹமீது ஆகியோர் இணைந்து தயாரிக்கும் இப்படத்தினை அறிமுக இயக்குநர் இரா.மகேஷ் இயக்குகிறார்.

மனித வாழ்க்கை என்பது இன்பமும், துன்பமும் இரண்டற கலந்தது என்பது அறிந்ததே. ஆனால், ஒரு மனிதனுக்கு மிகப் பெரிய சந்தோஷமும், மிகப் பெரிய துக்கமும், ஒரே நேரத்தில் நடக்குமென்றால் அதன் விளைவுகள் எப்படி இருக்கும் என்பதே இத்திரைப்படத்தின் கதைக்களம். இந்த  உணர்வுப்பூர்வமான கதையை நகைச்சுவை கலந்து, ஜனரஞ்சகமாக விறுவிறுப்பாக நகர்த்தியிருக்கிறார் இயக்குநர். 

இப்படம் பார்க்கும் அனைவரும் பல கட்டங்களில் தாங்கள் சந்தித்த, அனுபவித்த, கடந்து வந்த நினைவுகள் பிரதிபலிக்கும் விதமாக உருவாகி இருக்கிறது திரைகதை.  

யுகா ஒளிப்பதிவு செய்யும் இப்படத்திற்கு தினேஷ்.இ இசையமைக்க ரூபன் படத்தொகுப்பு செய்கிறார்.