வில்லனாக களம் இறங்கும் விஜய் சேதுபதி! - எந்த படத்தில் தெரியுமா?
Thursday April-04 2019

தமிழ் சினிமாவின் முன்னணி நடிகர்களில் ஒருவரான விஜய் சேதுபதி, தற்போது வித்தியாசமான வேடங்களில் நடிப்பதில் ஆர்வம் காட்டி வருகிறார். அதன்படி, ‘சீதக்காதி’, சமீபத்தில் வெளியான ‘சூப்பர் டீலக்ஸ்’ ஆகிய படங்களில் மாறுபட்ட வேடங்களில் நடித்தார். இருப்பினும், அப்படங்கள் எதிர்ப்பார்த்த வெற்றியை கொடுக்கவில்லை.

இதற்கிடையே, சிரஞ்சீவி நடிக்கும் தெலுங்குப் படமான ‘சயீரா நரசிம்ம ரெட்டி’ படத்தில் முக்கிய வேடம் ஒன்றில் நடித்திருக்கும் விஜய் சேதுபதி, மற்றொரு தெலுங்குப் படத்தில் வில்லன் வேடத்தில் நடிக்கிறார்.  

புச்சி பாபு சனா இயக்கும் இந்த படத்தில் வைஷ்ணவ் தேஜ் ஹீரோவாகவும், மணிஷா ஹீரோயினாகவும் நடிக்க, விஜய் சேதுபதி வில்லனாக நடிக்க ஒப்பந்தமாகியிருக்கிறாராம்.

ஹீரோவாக மட்டும் இன்றி, சில படங்களில் குணச்சித்திர வேடங்களிலும் நடித்து வரும் விஜய் சேதுபதி, தமிழை தவிர பிற மொழிப் படங்களில் நடிப்பதிலும் ஆர்வமாக உள்ளாராம்.