‘காஞ்சனா 3’ டிரைலரைப் பார்த்து லாரன்ஸை பாராட்டிய கலாநிதி மாறன்!
Thursday April-04 2019

சன் பிக்சர்ஸ் தயாரிப்பி, ராகவா லாரன்ஸ் இயக்கி நடித்திருக்கும் ‘முனி 4 காஞ்சனா 3’ ரசிகர்களிடம் பெரும் எதிர்ப்பார்ப்பை ஏற்படுத்திய நிலையில், சமீபத்தில் வெளியான இப்படத்தின் டிரைலர் படத்தின் மீதான எதிர்ப்பார்ப்பை இன்னும் பல மடங்கு அதிகரிக்க செய்திருக்கிறது.

முனி மற்றும் முனி வரிசைப் படங்களான ‘காஞ்சனா’ ஒன்று மற்றும் இரண்டாம் பாகங்கள் மிகப்பெரிய வெற்றி பெற்றதால், அதன் தொடர்சியான ‘காஞ்சனா 3’ மிகப்பெரிய பொருட்செலவில் மிக பிரம்மாண்டமான முறையில் படமாக்கப்பட்டுள்ளது. ஹாரர் படங்களில் காமெடியும் செய்ய முடியும் என்பதை நிரூபித்துக் காட்டியதோடு, அதை தமிழ் சினிமாவின் நீண்டகால டிரெண்டாகவும் மாற்றியது லாரன்ஸின் காஞ்சனா தான், என்பது அனைவரும் அறிந்தது தான். இம்மாதம் வெளியாக உள்ள ‘காஞ்சனா 3’ அதன் முந்தைய பாகங்களை விட மிரட்டலாகவும், அதே சமயம் பெரியவர்கள், சிறியவர்கள் என அனைத்து தரப்பினருக்கு ஏற்ற கமர்ஷியல் படமாகவும் உருவாகியுள்ளதாம்.

இந்த நிலையில், ’காஞ்சனா 3’ படத்தின் டிரைலரை பார்த்த கலாநிதி மாறன், ராகவா லாரன்ஸை நேரில் அழைத்து பாராட்டியுள்ளார்.