கை மாறும் ’பிக் பாஸ் - சீசன் 3’
Tuesday April-09 2019

தமிழ் தொலைக்காட்சிகளில் பெரும் பரபரப்பை ஏற்படுத்திய நிகழ்ச்சி என்றால் அது பிக் பாஸ் தான். டிவி பார்க்காதவர்களையும் டிவி முன்பு உட்கார வைத்த பெருமை இந்த நிகழ்ச்சிக்கு உண்டு. கமல்ஹாசன் தொகுத்து வழங்கிய பிக் பாஸ் நிகழ்ச்சியின் முதல் சீசன் மாபெரும் வெற்றி பெற்றாலும், இரண்டாவது சீசன் எதிர்ப்பார்த்த வெற்றி பெறவில்லை.

இதற்கிடையே, பிக் பாஸ் சீசன் 3 விரைவில் ஓளிபரப்பாக இருப்பதாக அவ்வபோது தகவல்கள் கசிந்தாலும், அதிகாரப்பூர்வமான தகவல்கள் மட்டும் இதுவரை வெளியாகவில்லை. அதே சமயம், தெலுங்கு பிக் பாஸ் நிகழ்ச்சி குறித்த தகவல்கள் மட்டும் அதிமாக வெளியாகிறது.

இந்த நிலையில், தமிழ் பிக் பாஸ் சீசன் 3 எப்போது வரும் என்பது யாருக்கும் தெரியாத தகவலாக இருப்பது ஒரு பக்கம் இருக்கையில், அப்படி பிக் பாஸ் சீசன் 3 வந்தால், அது விஜய் தொலைக்காட்சியில் வராது என்றும் வேறு ஒரு தொலைக்காட்சியில் ஒளிபரப்பாகலாம் என்றும் கூறப்படுகிறது.

ஆனால், இதுவும் அதிகாரப்பூர்வ தகவல் இல்லை, என்பதால் பிக் பாஸ் சீசன் 3 தற்போது வரை கானல் நீராகவே உள்ளது.