நயன்தாரா - விக்னேஷ் சிவன் திருமணம்! - தேதி குறிச்சாச்சு
Monday May-06 2019

தமிழ் சினிமாவில் முன்னணி நடிகையாக இருக்கும் நயன்தாரா, எத்தனை இளம் நடிகை வந்தாலும் தொடர்ந்து முதல் இடத்திலேயே நீடித்துக் கொண்டிருக்கிறார். கை நிறைய படங்களை வைத்துக் கொண்டிருப்பவர், காதலிலும் பிஸியாகவே இருக்கிறார்.

அவ்வபோது தனது காதலர் இயக்குநர் விக்னேஷ் சிவனுடன் வெளிநாடுகளுக்கு சுற்றுலா செல்பவர், சென்னையில் ஆடம்பர குடியிருப்பு ஒன்றில் லிவிங் டூ கெதர் முறையில், விக்னேஷ் சிவனுடன் இணைந்து வாழ்வதாகவும் கூறப்படுகிறது.

இதற்கிடையே, 34 வயதாகும் நயன்தாராவுக்கு விரைவில் திருமணம் செய்து வைக்க அவரது குடும்பத்தார் முடிவு செய்த நிலையில், அவருக்காக காத்திருக்கும் விக்னேஷ் சிவனின் குடும்பத்தாரும் திருமணம் குறித்து நயன்தாராவுக்கு நெருக்கடி கொடுத்ததால், அவர் திருமணத்திற்கு ஓகே சொல்லிவிட்டதாக தகவல் வெளியானது.

இதையடுத்து, நயன்தாராவின் திருமண நிச்சயதர்த்தம் அடுத்த ஆண்டு நடைபெறும் என்றும் தகவல் வெளியானது.

இந்த நிலையில், நயன்தாராவின் நிச்சயதார்த்தம் மற்றும் திருமணத்திற்கு குடும்பத்தார் தேதி குறித்துவிட்டதாக தகவல் வெளியாகியுள்ளது.

அதன்படி, வரும் நவம்பர் மாதம் நயன்தாரா - விக்னேஷ் சிவன் நிச்சயதார்த்தம் நடைபெறும் என்றும், அடுத்த ஆண்டு ஜனவரியில் திருமணம் நடைபெற இருப்பதாகவும் தகவல் வெளியாகியுள்ளது. மாதங்களை முடிவு செய்துவிட்ட குடும்பத்தார் சில தேதிகளை பரிசீலனை செய்து வருவதாகவும் கூறப்படுகிறது.