’பிக் பாஸ் சீசன் 3’ ரெடி! - போட்டியாளர்களாக 3 முக்கிய நடிகைகள் தேர்வு
Wednesday May-08 2019

தொலைக்காட்சி நிகழ்ச்சிகளில் மக்கள் அதிகம் பார்த்த நிகழ்ச்சி என்ற பெருமையை பிக் பாஸ் பெற்றுள்ளது. தமிழில் இரண்டு சீசன்களை கடந்த இந்த நிகழ்ச்சி பல சர்ச்சைகளை எதிர்கொண்டாலும், பெரும் வரவேற்பும் பெற்றது.

நடிகர் கமல்ஹாசன் தொகுத்து வழங்கிய இந்த நிகழ்ச்சியின் மூன்றாம் பாகம் எப்போது ஒளிபரப்பாகும், என்று மக்கள் ஆர்வத்துடன் இருக்க, இது குறித்து அதிகாரப்பூர்வமான தகவல்கள் இதுவரை வெளியாகமல் உள்ளது.

இந்த நிலையில், பிக் பாஸ் சீசன் 3 ஒளிபரப்பாவது உறுதியாகிவிட்டதாகவும், போட்டியாளர்களாக தற்போது தமிழ் சினிமாவின் முக்கிய நடிகைகளான லைகா, சாந்தினி, சுதா சந்திரன் ஆகியோர் தேர்வு செய்யப்பட்டிருப்பதாகவும் நம்பத்தகுந்த வட்டாரத்தில் இருந்து தகவல் கசிந்துள்ளது.

அதேபோல், மூன்றாம் சீசனையும் கமல்ஹாசனே தொகுத்து வழங்க இருப்பதாக கூறப்படுகிறது.