நயன்தாராவுக்கு முத்தம்...! - சிவகார்த்திகேயன் வருத்தம்
Wednesday May-15 2019

சிவகார்த்திகேயன் தயாரித்து நடித்த ‘கனா’ வெற்றியை தொடர்ந்து நடித்திருக்கும் படம் ‘Mr.லோக்கல்’.எம்.ராஜேஷ் இயக்கியிருக்கும் இப்படத்தை ஸ்டுடியோ கிரீன் ஞானவேல்ராஜா தயாரித்திருக்கிறார். இதில் ஹீரோயினாக நயன்தாரா நடித்திருக்கிறார். இவர்களுடன் யோகி பாபு, ரோபோ சங்கர், சதிஷ், தம்பி ராமையா என பெரிய காமெடி நட்சத்திர பட்டாளமே நடித்திருக்கிறார்கள்.

வரும் மே 17 ஆம் தேதி வெளியாக உள்ள இப்படத்தின் புரோமோஷன் பணிகளில் ஈடுபட்டிருக்கும் சிவகார்த்திகேயன், சமீபத்தில் நிருபர்களுக்கு பேட்டியளித்த போது, “வேலைக்காரன் படத்தில் எனக்கும் நயன்தாராவுக்கும் குறைவான காட்சிகள் தான் இருந்தது. ஆனால், இந்த படத்தில் அப்படி இல்லாமல், படம் முழுவதும் அவங்க வெயிட்டான ரோலில் நடித்திருக்கிறார்கள்.” என்றார்.

அப்படியானால் படத்தில் முத்தக் காட்சிகள் இருக்கிறதா?, நயன்தாராவுக்கு நீங்கள் முத்தம் கொடுத்தீர்களா? என்று நிருபர் ஒருவர் கேட்க, “இந்த படத்தில் நயன்தாராவுக்கும் எனக்குமான காமினேஷன் காட்சிகள் அதிகமாக இருக்கிறது தான். ஆனால், அவை ரொமான்ஸ் காட்சிகள் அல்ல, நாங்கள் இருவரும் மோதிக்கொள்ளும் காட்சிகள். எலியும், பூனையும் போல் படம் முழுவதுமே நாங்கள் சண்டை போட்டுக்கொண்டு தான் இருப்போம், பிறகு எங்கே முத்தம் கொடுப்பது.” என்று சிவகார்த்திகேயன் வருத்தத்தோடு பதில் அளித்தார்.

அதே சமயம், படத்தில் வில்லன் கிடையாது. அந்த வேலையையும் நயனே பார்த்துக் கொண்டிருக்கிறாராம்.