மு.க.ஸ்டாலினை சந்தித்த விஷால்! - அரசியல் குறித்து அதிரடி பேச்சு
Saturday May-25 2019

நடந்து முடிந்த பாராளுமன்ற தேர்தலில் திமுக தலைமையிலான கூட்டணி மாபெரும் வெற்றி பெற்றது. இதையடுத்து பல்வேறு தரப்பினர் திமுக தலைவர் மு.க.ஸ்டாலினுக்கு பாராட்டு தெரிவித்து வருகிறார்கள்.

அந்த வகையில், தென்னிந்திய நடிகர்கள் சங்கத்தின் செயலாளரும், தமிழ்த் திரைப்பட தயாரிப்பாளர்கள் சங்கத்தின் தலைவருமான விஷால், இன்று திமுக தலைவர் மு.க.ஸ்டாலினை, சென்னை ஆழ்வார்பேட்டையில் உள்ள அவரது இல்லத்தில் சந்தித்து பொன்னாடை போத்தி வாழ்த்து தெரிவித்தார்.

பிறகு செய்தியாளர்களிடம் பேசிய விஷால், “சமூக சேவையில் ஈடுபாடு உள்ள அனைவரும் அரசியலுக்கு வரலாம்” என்றவரிடம், அரசியலில் ஈடுபடுவீர்களா? என்று நிருபர் ஒருவர் கேட்க, “நான் தான் ஏற்கனவே அரசியலில் இருக்கிறேனே” என்று அதிரடியாக பதில் அளித்தார்.